ماهي طريقة التقديم على قناة النخبة بالتفصيل وكيف قبولها وما مميزاتها

اني متاكد اغلبكم مو سامع بهيج مصطلح لهذا اليوم راح اوضحلكم هذا المصطلح الي متاكد حيفيد الكثير منكم.

- هي قناة مُخصصة لقبول خريجي الدراسة الإعدادية  ممن حصلوا على معدل 90 فما فوق للقبول في كليات التربية والتربية الأساسية والقانون والإدارة والأقتصاد + تخصص الإدارة الصناعية للنفط والغاز / جامعة البصرة للنفط والغاز .

النسب :- قبول خريجي الفرع العلمي في كليات القانون بنسبة 70% من المتقدمين وقبول خريجي الفرع #الأدبي في كليات القانون بنسبة 30% من المتقدمين.

قبول خريجي الفرع العلمي في كليات التربية والتربية الأساسية بنسبة 70% من المتقدمين وقبول خريجي الفرع #الأدبي بنسبة 30% من المتقدمين ، ويكون القبول على كليات التربية والتربية الأساسية بإختصاصاتها كافة ضمن خطة قبول 1000 طالب فقط. 

قبول خريجي الفرع العلمي في كليات التربية والتربية الأساسية بنسبة 70% من المتقدمين وقبول خريجي الفرع #الأدبي بنسبة 30% من المتقدمين ، ويكون القبول على كليات التربية والتربية الأساسية بإختصاصاتها كافة ضمن خطة قبول 1000 طالب فقط.

اولاً : رواتب شهرية تُقدر بمبلغ 150 ألف دينار عراقي على الأقل لكل طالب خلال فترة دراستهِ ( 4 سنوات ) ولغاية تخرجه. 

ثانياً : سيكون التعيين لهم مضموناً بعد التخرج وبشكل دفعات بحيث أن الخريج من هذه القناة سيتم تعيينه بوقت سريع وللربع الأول من خريجي قناة النخبة الأسبقية في التعيين حسب تصريح الوزارة.

ملاحظة :- الطاقة الاستيعابية لقناة النخبة لكل سنة هي (1000) فقط ، ويعينون الربع الاول منهم تعيين مركزي ، لهذا شد حيلك بالدراسة حتى تكون الك الأسبقية بالتعيين لأنه حيعتمدون على المعدل التراكمي بالتعيين الي شرحتو الكم سابقاً.

1- يحقلك التقديم على الكليات والأقسام المشمولة  ضمن قناة النخبة في محافظتك فقط،  يعني ميصير تقدم محافظات بقناة النخبة تمام ؟ ماعدا قسم  الإدارة الصناعية للنفط والغاز / جامعة البصرة للنفط والغاز تگدر تقدم عليها حتلو انت ما من البصرة لأن هذا القسم ما موجود بباقي المحافظات تمام ؟

2- اجباري عليك تقدم تقديم مركزي ثم بعد ذلك ينزل رابط التقديم على قناة النخبة وأيضا تقدم  ، ومن يطلع قبولك بقناة النخبة راح ينحجب قبولك بالمركزي ، لكن اذا ردت ترجع للقبول المركزي فلازم بعد فترة ما تتجاوز 10 ايام بعد إعلان قبولات المركزي تقدم طلب تسترجع بي قبولك المركزي وتحجب قبولك بقناة النخبة.

3- الطاقة الاستيعابية الكلية لقناة النخبة هي فقط 1000 طالب ، وفقط يحق للطلبة الي معدلاتهم 90 فما فوق يقدمون على هذه القناة.

4- بعد أن يتم قبول الطالب ضمن قناة النخبة لازم يروح يراجع الجامعة إلي نقبل بيها لغرض إجراء مقابلة ، واذا محافظتك بيها أكثر من جامعة فتگدر تختار اقرب جامعة عليك مو شرط الي قدمت عليها وتروح تراجع وتسوي مقابلة.

1. قناة النخبة نطلقت بسنة 2018 , لحد الان ماعدنا ولا خريج فما نعرف يعينون فعلاً لو بس كلام ، ولو مشكوك جداً بموضوعها لأنه اطلقها العبادي بفترت حكمو للعراق واتوقع حتروح معاه !! 

2. بخصوص الراتب الشهري ، بعض الجامعات تنطي الطلاب البعض مينطي ؟! هيج فهمت من طلاب النخبة المقبولين العام وقبل العام.