موجز عن المعهد الطبي في العراق بشكل مفصل وكامل
شرح كامل للمعهد الطبي وطبيعة الدراسة والاقسام
شكد مدة الدراسة ؟
🔸 مدة الدراسة سنتين .
شنو الشهادة الي احصلها بعد التخرج ؟
🔸 دبلوم .
التعيين مركزي لو لا ؟
🔸 اي نعم التعيين مركزي .
شكد المعدل الي يقبله ؟
🔸 المعدلات تختلف اختلاف كبير بين سنة وسنة مثلا بين سنة ٢٠١٧ وسنة ٢٠١٨ حسب معدلات الطلاب وقبولاتهم مثلا قسم التخدير في الموصل سنة ٢٠١٧ الحد الادنى ٩٠.١% وسنة ٢٠١٨ الحد الادنى ٩٥.٢ فتقريبا زادت ب ٥ درجات ع المعدل كل قسم آخر سنة وكذلك سنة ٢٠١٩ اما سنة ٢٠٢٠ فتطلع المعدلات بعد ما تقدمون ويطلعن القبولات .
زين اكو مسائي ؟
🔸 اكو بس بأغلب المحافظات .
اكو اهلي ؟
🔸 لا يوجد اهلي .
شنو طبيعة الدراسة ؟
🔸 اغلب المناهج لغتها الانكليزية .
زين والراتب ؟
🔸 اعلى قسم من حيث الخطورة والراتب هو قسم التخدير حيث يصل راتب مساعد المخدر من ٧٦٠ الف الى ٨٥٠ الف دينار والبقية تكون من ٥٠٠ الف الى ٦٥٠ الف دينار .
هل يمكن دراسة البكلوريوس بعد المعهد؟
🔸️بالنسبة للاوائل ، ١٠% الاوائل من العدد الكلي للطلاب في القسم يتحولون الى الكلية المناظرة مثلا ١٠% اوائل معهد طبي قسم صيدلة يتحولون الى دراسة كلية الصيدلة ،
🔸️و١٠% الاوائل معهد طبي قسم التخدير يتحولون الى دراسة كلية تقنية قسم التخدير ، وقسم التمريض يكملون الدراسة في كلية التمريض وهكذا ، طبعاً يكون الطلاب الاوائل في المعهد مخيرين بين التعيين او اكمال دراسة الكلية مباشرة وكل طالب حسب رغبته.
🔸️اما الطلبة الغير اوئل يمكنهم اكمال الدراسة في الكليات المسائية او الاهلية ويتم قبولهم اعتماداً على معدل السادس.
