ملاحظات وطبيعة اسئلة الانكليزي في الامتحانات الوزاريه لصف السادس الاعدادي "نصائح مهمه جداً"
نصائح عن اسئلة اللغة الانكليزي في الامتحانات العامة الوزاريه لكل عام خاص لطلبة السادس العلمي والادبي
🔹 الفرع الأول :- القطعة الخارجية (10 درجات) ينطيك 6 اسئلة تجاوب على 5 وتترك واحد.
🔸 الفرع الثاني :- القطع الاستيعابية (10 درجات) ينطيك 6 اسئلة تجاوب 5 وتترك واحد.
2- السؤال الثاني :- يكون سؤال القواعد (30 درجة) وايضاً هو عبارة عن فرعين :-
🔸 الفرع الأول : اسئلة قواعدية (12 سؤال) تجاوب 10 وتترك 2 (20 درجة).
🔹 الفرع الثاني :- اختيارات 6 اسئلة وتترك واحد (10 درجات).
3- السؤال الثالث :- عبارة عن ثلاثة فروع (20 درجة ) :-
🔸 الفرع الأول :- معاني او إسقاطات (10 درجات) .
🔹 الفرع الثاني :- التوصيلات (5 درجات) أيضاً 6 اسئلة وتترك واحد .
🔸 الفرع الثالث :- الاملاء 5 درجات أيضاً ترك نقطة .
4- السؤال الرابع :- هو الأدب (10) درجات ينطيك 6 اسئلة تجاوب 5 تترك واحد .
5- السؤال الخامس :- سؤال الإنشاءات (20 درجة) ينطيك انشاءين تجاوب على واحد.
طرق وكيفية الإجابة النموذجية في امتحان الانكليزي :
1- اول ما تستلم الاسئلة كالعادة ما تقراهم كلهم. ، لا ، اول شي تسويه تطلع سؤال الإنشاء اللي هو الاخير ( Q5) وتبدي تجاوب ، عندك انشاءين تجاوب واحد فقط.2- بعد الإنشاء تنتقل لسؤال الأدب (Q4) وتبدي تجاوب اسئلة الأدب.
3- بعد ما تخلص الأدب تنتقل لسؤال الأول فرع B القطع الأستيعابية وتبدي تجاوبهم.
4- بعد ما تخلص القطع الأستيعابية تروح لسؤال الثالث ( Q3) تحلو بالكامل.
5- ثم بعد ما تكمل حل سؤال الثالث تنتقل لسؤال القواعد اللي هو Q2.
6- واخيرًا تبقى اسئلة القطعة الخارجية اللي سؤال الأول فرع A تخليها للنهاية.
